sábado, 30 de abril de 2011

MÁIS QUE UN TEITO: Programa preventivo para pais/nais

Os próximos martes 3,10, 24, e 31 de 17 a 19 horas teremos un programa preventivo para país e nais co fin de axudar a que a actuación familiar evite a aparición de problemas relacionados coas drogas.O programa será desenvuelto por PDLA (Plan Local sobre drogodependencias e outras adiccións do Concello de Vigo) e utilizarán una metodoloxía de dinámicas de grupo, debates, análises de casos e postas en común e os seus contidos serán:
  • Normas e límites: educar para previr
  • Comunicación país/nais/titores –fillos/as
  • Resolución de conflitos
Máis información en: http://www.podemosprevir.org/
Pica na imaxe para vela información

martes, 26 de abril de 2011

Tartamudez evolutiva

Moi frecuentemente os nenos e nenas entre 2 e 4 anos tatexan e os pais preocúpanse moito. É o que se denomina "tartamudez evolutiva ou fisiolóxica"
Esta tartamudez sucede entre outras causas porque os nenos están en pleno desenvolvemento gramatical e/ou narrativo, e o seu sistema lingüístico se ve "saturado"
A tartamudez evolutiva pode durar días, semanas ou meses, e prolongarse ata os 6-7 anos. Dependerá do neno e/ou do seu ámbito. Segundo expertos como Santacreu e Froján, ata os seis anos non convén facer un tratamento dirixido ao neno, e a intervención vai dirixida aos pais, fundamentalmente para que aprendan a non poñer atención aos momentos en que o neno tatexa.
Aí van algúns consellos para os pais:
  • Non se angustíen pola forma como fala o seu fillo/a.
  • Escoite pacientemente o que o seu fillo lle di e non se fixe en como o di.
  • Deixe que o seu fillo complete a frase, non o interrompa nin remate vostede a frase.
  • Manteña o contacto visual de xeito natural, mentres o seu fillo lle fale. Non lle transmita impaciencia ou nerviosismo.
  • Dispoña de, polo menos, cinco minutos diarios para falar co seu fillo de xeito doado, relaxado e sen présas nin tensións.
  • Non deben completarlle as oracións e/ou adiviñar o que neno quere dicir.
  • Non o apresurar para que remate de falar.
  • Non o interromper mentres fala.
  • Non lle pedir que fale con rapidez e precisión todo o tempo.
  • Non lle falar con ritmo acelerado, especialmente cando se lle dixo que el/ela debe falar máis devagar
  • Non manter na casa un ritmo de vida acelerado.
  • Non lle pedir ao neno que fale forzadamente fronte a amigos, parentes, veciños...
Déixovos este video para que se entenda un pouco a tartamudez, do que se sofre con ela e que o importante non é aprender a falar senon a aprender a escoitar

miércoles, 13 de abril de 2011

Redes 87: O sistema educativo é anacrónico

Nos últimos 50 anos as esferas económica, cultural e persoal deron un xiro no mundo enteiro. E non obstante, os sistemas educativos non moveron un ápice os seus programas e os seus obxectivos. Por que se aburren os nenos e nenas no colexio? Por que chegan ao mundo adulto sen ter idea dos seus propios talentos e capacidade
O líder en educación e creatividade Ken Robinson chama a demoler unha educación nacida para e polas sociedades industriais. A sociedade da información actual necesita mozos creativos e motivados.

Se algunha das fotografías, debuxos... que aparecen neste blog están suxeitas a dereitos de autor, póñanse en contacto con nós e serán retirados.