sábado, 31 de enero de 2009

ACTIVIDADES REALIZADAS NO DÍA DA PAZ

O día 30 de xaneiro celebramos o "DÍA DA PAZ"
Os nenos e as neas traballaron a "PAZ" nas súas aulas durantes estes últimos días.
Todo o alumnado participou na elaboración do mural colectivo: unha pomba recuberta coas mans en papel dos nenos e das nenas do centro.
Tamén participaron na elaboración dunha guirnalda de corazóns con mensaxes para a paz.
Os alumnos e alumnas do 3º ciclo asistiron ós actos que tiveron lugar no Centro Social de Beade
O día 30, no ximnasio do colexio realizamos as seguintes actividades:

  • Lectura dun poema a cargo dunha representación do alumnado en cada curso
  • Cantamos a cantiga "Color esperanza"
  • Lanzamos globos con mensaxes dentro.

COLOR ESPERANZA DE DIEGO TORRES

jueves, 29 de enero de 2009

¿COMO FACER NENOS DESOBEDIENTES?

Se quero que os meus fillos non sexan obedientes só teño que seguir estas normas:

1º.-Que na casa non haxa normas claras e concretas, así o neno non sabe claramente o que ten que facer e o que non, o permitido e o prohibido.

2º.-Incoherencia dos pais. Din unha cousa e fan outra, un día non permiten unha conduta e ao día seguinte si, agora din non e logo se. Os nenos non saben a que aterse.

3º.-O mal comportamento do neno cambie as decisións dos pais. Desta forma é o neno quen pon as normas.

4º.- As condutas negativas non teñen consecuencias. Así o neno incumpre normas, elude responsabilidades e os comportamentos negativos non teñen consecuencias.

5º.-Falta de constancia por parte dos pais.

6º.-Os pais non son un bo exemplo para os nenos. O neno aprende imitando e os pais son o principal modelo

7º.-A falta de acordo na parella.

8.-Prestar especial atención cando o neno se porta mal. Hai nenos que só conseguen que se lle atenda cando se portan mal e se isto acontece, utilizará o seu mal comportamento para atraer a atención dos seus pais

9.-Falta de rutinas no neno. A rutina é un elemento positivo e necesario para o desenvolvemento do neno e o seu equilibrio.

10.- A sensación de stress dos pais

11.-Cambios frecuentes de coidador. Así é difícil manter unhas pautas educativas uniformes

sábado, 24 de enero de 2009

30 DE XANEIRO. DÍA DA PAZ E DA NON VIOLENCIA

O venres día 30 celebramos o día escolar da paz e a non violencia.
Foi declarado por primeira vez en 1964. Xorde dunha iniciativa pioneira, non gobernamental, independente, e voluntaria de Educación No-violenta e Pacificadora do profesor español Llorenç Vidal.
O seu obxectivo é a educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz.
Neste día, os colexios e centros convértense en instrumentos de paz e entendemento entre persoas de distinta formación, raza, cultura e relixión.
O día 30 de Xaneiro conmemórase ademáis a morte do líder nacional e espiritual da India, o Mahatma Gandhi, o 30 de Xaneiro de 1948, asasinado a tiros por un fanático hinduista.
Gandhi naceu en Porbandar, India, en 1869, e tras graduarse en dereito en Inglaterra, instalouse en África do sur e loitou alí contra a discriminación de que eran obxecto os indios. Ao volver á India organizou a resistencia non violenta (a súa filosofía, de base relixiosa, tiña por principio fundamental a non violencia) contra o colonialismo e a non cooperación coa administración inglesa.
Tratou de frear os choques entre hindús e musulmáns que se produciron tras a independencia en agosto de 1947 (os colonialistas británicos impuxeron como condición para retirar as súas tropas, a división da India en dous estados, India e Paquistán, un hindú e outro musulmán). Encarcerado en numerosas ocasións, era en 1937 o líder dun movemento independentista capaz de mobilizar ou deter millóns de indios.

Os poño o anuncio de televisión da campaña "Tus mans son para protexer"; campaña contra o castigo físico impulsada polo Consello de Europa coa colaboración do Ministerio de Educación, Política Social e Deporte.


Por último déixovos unhas frases sobre a Paz:

  • Os homes construímos demasiados muros e non suficientes pontes.Isaac Newton (1642-1727) Matemático e físico británico
  • Non hai camiño para a paz, a paz é o camiño.Mahatma Gandhi (1869-1948) Político e pensador indio.
  • Cando me preguntaron sobre algunha arma capaz de contrarrestar o poder da bomba atómica eu suxerín a mellor de todas: A paz.Albert Einstein (1879-1955) Científico alemán nacionalizado estadounidense.
  • A paz comeza cun sorriso.Nai Teresa de Calcuta (1910-1997) Misioneira iugoslava nacionalizada india.
  • Non abonda con falar de paz. Un debe crer nela e traballar para conseguila.Eleanor Roosevelt (1884-1962) Defensora dos dereitos sociais, diplomática
  • Que ninguén se faga ilusións de que a simple ausencia de guerra, aínda sendo tan desexada, sexa sinónimo dunha paz verdadeira. Non hai verdadeira paz senón vén acompañada de equidade, verdade, xustiza, e solidariedade.Juan Pablo II (1920-2005) Papa da igrexa católica.
  • O mantemento da paz comeza coa autosatisfacción de cada individuo.Dalai Lama
  • Se non estamos en paz connosco mesmos, non podemos guiar outros na busca da paz.Confucio (551 AC-478 AC) Filósofo chinés.
  • Se queremos un mundo de paz e de xustiza hai que poñer decididamente a intelixencia ao servizo do amor.Antoine de Saint-Exupery (1900-1944) Escritor francés.
  • Por iso América: se queres a paz, traballa pola xustiza. Se queres a xustiza defende a vida. Se queres a vida, abraza a verdade, a verdade revelada por Deus.Juan Pablo II (1920-2005) Papa da igrexa católica.
  • A paz é para o mundo o que o fermento para a masa.O Talmud
  • Se queremos gozar a paz, debemos velar ben as armas; se depoñemos as armas non teremos xamais paz.Marco Tulio Cicerón (106 AC-43 AC) Escritor, orador e político romano.
  • Non hai paz sen xustiza, non hai xustiza sen perdón.Juan Pablo II (1920-2005) Papa da igrexa católica.
  • A paz esixe catro condicións esenciais: Verdade, xustiza, amor e liberdade.Juan Pablo II (1920-2005) Papa da igrexa católica.
  • A paz máis desvantaxosa é mellor que a guerra máis xusta.Erasmo de Rotterdam (1469-1536) Humanista neerlandés.
  • En asuntos internacionais, a paz é un período de trampas entre dúas loitas.Ambrose Bierce (1842-1914) Escritor estadounidense.
  • Non haberá paz na terra mentres perduren as opresións dos pobos, as inxustizas e os desequilibrios económicos que aínda existen.Juan Pablo II (1920-2005) Papa da igrexa católica.
  • Nunca leves os teus mellores pantalóns cando salgas a loitar pola paz e a liberdade.Henrik Johan Ibsen (1828-1906) Dramaturgo noruegués.
  • Todos queren a paz, e para asegurala, fabrican máis armas que nunca.Antonio Mingote (1919-?) Debuxante e humorista español.
  • Hai algo tan necesario como o pan de cada día, e é a paz de cada día; a paz sen a cal o mesmo pan é amargo.Amado Nervo (1870-1919) Poeta, novelista e ensaísta mexicano.
  • A paz na terra, suprema aspiración de toda a humanidade a través da historia, é indubidable que non pode establecerse nin se consolidar se non se respecta fielmente a orde establecida por Deus.Juan XXIII (1881-1963) Papa da igrexa católica.
  • A primeira condición para a paz é a vontade de lograla.Juan Luis Vives (1492-1540) Humanista e filósofo español.
  • Se queres a paz, non falas cos teus amigos. Falas cos teus inimigos.Moshe Dayan (1915-1981) Militar e político israelí.
  • Existe unha tentación extremadamente sutil e perigosa de confundir a paz coa simple ausencia de guerra, como estar tentados de confundir a saúde coa ausencia de enfermidade, ou a liberdade con non estar preso. A terminoloxía é ás veces enganosa. Por exemplo, a expresión "coexistencia pacífica" significa ausencia de guerra e non verdadeira paz.Dominique Pire (1910-1969) Sacerdote e sociologo belga
  • Máis vale unha paz relativa que unha guerra gañada.María Teresa I de Austria (1717-1780) Emperatriz do Sacro Imperio Romano Xermánico.
  • A paz obtida na punta da espada, non é máis que unha tregua.Pierre Joseph Proudhon (1809-1865) Filósofo francés.
  • Ata que os que ocupan postos de responsabilidade non acepten cuestionarse con valentía o seu modo de administrar o poder e de procurar o benestar dos seus pobos, será difícil imaxinar que se poida progresar verdadeiramente cara á paz.Juan Pablo II (1920-2005) Papa da igrexa católica.
  • Ou camiñamos todos xuntos cara á paz, ou nunca a atoparemos.Benjamin Franklin (1706-1790) Estadista e científico estadounidense.
  • Mesmo a paz se pode comprar a un prezo demasiado alto.Benjamin Franklin (1706-1790) Estadista e científico estadounidense

    Agora podes deixar o teu lema sobre a "PAZ"

jueves, 22 de enero de 2009

TAL COMO ERES

Cristian leva 14 anos alegrándoo a vida a Paco día a día. Xa vin o vídeo varias veces e cada vez emociónome máis. Que sorte teñen de terse o un a outro

miércoles, 21 de enero de 2009

XOGOS POPULARES

Alá polo mes de outubro, a profesora Laura de Infantil de tres anos pedírame que puxese unha entrada con "xogos populares" .
Recordar que puxen algúns xogos.
Laura, agora che deixo un vídeo da Consellería de Educación que pretende recuperar a práctica dos xogos populares nos recreos, reivindicando o seu valor pedagóxico e cultural.

martes, 20 de enero de 2009

ESTRATEXIAS BÁSICAS PARA A ALIMENTACIÓN


1º.-ESTABLECER UN RITUAL

*Comer ás mesmas horas

*Establecer momentos previos centrados no que vai ser a comida: poñer mantel, pratos, cubertos

2º.-FACER DA COMIDA UN MOMENTO AGRADABLE

*Comer en familia é unha prioridade

*Se tódala familia non come xunta, polo menos un membro coma co neno

*Procurar o tempo necesario para que se faga con tranquilidade

*Desterrar a discusión a conta do que o neno come, as ameazas, facer comentarios ou descualificalo

*Converter nun momento privilexiado para falar e comentar a xornada, o colexio, os xogos, os amigos..

3º.-OFRECER POUCAS CANTIDADES

4º.-NON PICAR ANTES NIN BEBER REFRESCOS DURANTE A COMIDA

*Se pica antes de comer perderá o apetito, ademais que os doces e lambetadas anulan os sabores da comida

*Os refrescos soen conter grandes cantidades de azucre e darán sensación de estar saciado

5º.-OFRECERLLES O ALIMENTO PERO NON O FORZAR

6º.-DAR BO EXEMPLO

*Variedade de alimentos

*Facer o ritual da comida

*Bos modales

*Valorar o esforzo de preparar a comida

*Non abusar de alimentos inadecuados

*Non pedir pratos alternativos

7º.-COMER SEN DISTRACCIÓNS

8º.-VARIEDADE DE ALIMENTOS

*Que toda a familia os tome e os valore

*Ofrecersellos sen obligarlle

*Preparación actractiva

*Elaboración dun menú semanal

9º.-LIMITAR O TEMPO

10º.-MENÚ COMÚN PARA TODOS

La alimentación infantil y sus dificultades. Jesús Jarque García

domingo, 18 de enero de 2009

MUSEO DA ESCOLA

Recibín por correo electrónico este PPs e encantoume polo que agora o quero compartir con todos vós


sábado, 17 de enero de 2009

CELOS

Fai días que non escribo nada debido as múltiples ocupacións que teño nesta época do ano.
Como estes días me xurdiron varios casos sobre celos infantís déixovos un documento que utilizo:


Pica na foto

miércoles, 14 de enero de 2009

XESTO DE AMOR E XENEROSIDADE

Anuncio publicitario dunha nena que ten un grande xesto de xenerosidadee amor


sábado, 10 de enero de 2009

6ª INTENCIÓN: APRENDER A PEDIR DISCULPAS

Os pais sempre teñen razón, mesmo cando están equivocados. É difícil superar este tipo de educación, necesítanse moitos golpes psicolóxicos, crises espirituais e honestidade persoal para iso. Por iso moitos de nós evitamos mellorar como pais ata que é demasiado tarde e os nosos fillos son demasiado maiores para agradecérnolo.
Os nenos deben educarse nunha sociedade moito máis complexa e perigosa que aquela na que foron educados os seus pais. Para aguantar e superar estes desafíos, os nenos teñen que estar seguros de si mesmos.
Temos que esquecer a crenza de que pedir desculpas aos fillos implicará que somos demasiado brandos ou que eles terán un carácter débil. O mundo necesita máis persoas fortes pero benevolentes. Os bos pais conségueno e esa é unha razón pola cal os seus fillos se elevarán por enriba da norma cando sexan adultos. Os pais que cren que o único xeito de educar ben os seus fillos é ter un control absoluto sobre eles case nunca piden desculpas por cometer algunha ofensa. Os pais que necesitan manter o control custe o que custe son cegos con respecto ao seu propio sentido da irresponsabilidade. Antes ou despois, os seus fillos aprenderán que os seus pais carecen de credibilidade a pesar das temibles mostras de enfado.
Negarse a pedir desculpas cando un se equivocou reflexa unha actitude paterna disfuncional. Non vale desculparse se se utiliza como un truco para suavizar as cousas. Debe ser un acto sincero.
Desculparse pode ensinar aos fillos moitas leccións importantes, ao mesmo tempo que axuda a manter con eles unha relación sincera e realista. Aquí vai unha lista do que poden aprender:
  • Aprenden que non teñen por que ter sempre razón e que, aínda que estean equivocados, seguen sendo boas persoas.
  • Aprenden que hai que admitir un erro antes de poder corrixilo, e que corrixir erros é importante.
  • Descobren que pedir difícil, e que hai que ser forte para facelo.
  • Ven unha mostra de sinceridade, que talvez non vexan noutra parte.
  • Aprenden que unha boa familia repara os malos sentimentos que se producen entre os seus membros.
  • Aprenden a virtude de perdoar os demais cando perden temporalmente o control.
  • Aprenden que a desculpa é unha forma de recoñecer que outra persoa é digna de respecto.
  • Aprenden que non é necesario alimentar rancores porque un se sinta culpable por algo que fixo. Todo o mundo empeza a odiar a persoa cara á que alberga un sentimento de culpa.
  • Aprenden a pedir desculpas aos seus pais cando lles ofenderon, e a resolver os seus remordementos e o seu complexo de culpa.

"Como ser mellores pais" de Gloria Marsellach resumidas as intencións pola psicóloga Gloria Marsellach Umbert

viernes, 9 de enero de 2009

5ª INTENCIÓN. TER UNHA BOA AUTOESTIMA

A maioría dos bos pais preocúpase pola autoestima dos seus fillos e estarán dispostos a facer calquera cousa para fomentala. Case sempre terán que aumentar primeiro a súa propia.
A autoestima poderiamos definila como a experiencia de andar pola vida cun sentimento de benestar e satisfacción. Polo tanto o mellor xeito de aumentar a autoestima é buscar máis experiencias que produzan benestar e satisfacción.
Para sentirse satisfeito como pai, hai algúns sentimentos básicos que hai que procurar experimentar:
  • Hai que procurar divertirse.
  • Hai que confiar en que os seus fillos estean sans e sexan felices.
  • Hai que crer que os demais lle respectan a un como pai.
  • Hai que sentirse satisfeito co traballo que se realiza.
  • Hai que loitar contra o exceso de ansiedade.
  • Hai que crer que os fillos agradecen as contribucións dos pais aos seus propios triunfos.

Atopar formas para experimentar máis satisfacción na vida familiar e no labor de pais non é ningún misterio. Os bos pais tenden a facer cousas que a maioría dos pais non fan. Seguidamente enumerareilles unha lista de suxestións que funcionaron con outros pais. Se funcionan no seu caso particular, a súa autoestima aumentará porque obterá máis pracer e satisfacción na súa propia casa.

  • Pase tempo a soas con cada un dos seus fillos sempre que poida para que non o distraian as necesidades dos outros membros da familia.
  • Teña cofres con chave para cada membro da familia (incluído vostede mesmo) para que os "tesouros" privados de cada un estean a salvo da curiosidade dos demais.
  • Pase tempo todas as semanas a soas co seu esposa/ou, sen nenos nin outras distraccións.
  • Permita que a casa estea desordenada durante o día, mentres todos estean a cumprir coas súas obrigas pero esixa que participen logo da limpeza polas noites. Á fin e ó cabo, a casa é de todos.
  • Teña sempre algo dispoñible para comer que guste á súa familia porque a comida é un factor importante de seguridade.
  • Aprenda a planificar para non desaproveitar as oportunidades satisfactorias pola aparición de acontecementos imprevistos.
  • Estableza tradicións familiares cada semana, mes ou ano.
  • Bote a todos os demais de casa de vez en cando para ter a sensación de que a súa casa é o seu castelo.
  • Se non ten amigos, consiga algúns rapidamente. A longo prazo, non se pode depender da familia para satisfacer todas as necesidades sociais.
  • Teña un calendario na cociña para establecer unha valoración de cada día. Defina a súa propia escala. Isto obrigarao a avaliar a calidade de cada día e a atopar maneiras de mellorar.
  • Divida as súas metas en etapas para que avance todos os días na dirección axeitada.
  • Se prefire non se enfrontar a membros da familia verbalmente sobre algo que lle molesta, déixelles notas.
  • Escolla un día cada dous semanas e propóñase non berrar durante todo o día.
  • Desenvolva a súa propia lista de cousas que pode facer para aumentar a súa autoestima.
  • Aprenda a dicir "non".

"Como ser mellores pais" de Gloria Marsellach

4ª INTENCIÓN: ENSINAR OS FILLOS A FACER AS COUSAS POR SI MESMOS

Cando os pais cren que deben facelo todo polos seus fillos, talvez os nenos non aprendan a ser responsables por si mesmos. Os bos pais son aqueles que fan menos cousas polos seus fillos, deixándolles asumir responsabilidades a eles. Este é un exemplo en que menos é máis.
Os pais con demasiadas ganas de axudar arríscanse a incapacitar emocionalmente os seus fillos. O meollo da cuestión é que os pais arrebatan o poder aos seus fillos cando fan por eles cousas que eles poden e deben facer por si mesmos. A axuda debe ofrecerse cando foi previamente solicitada e debe ir dirixida a axudar ao neno a utilizar os seus propios recursos para solucionar o problema.
Se os nenos din que necesitan axuda, a pregunta que hai que facer é: ¿Que che gustaría que fixese eu? Os nenos que pediron axuda outras veces ofrecerán unha resposta razoable. Os nenos aos que se lles prestou demasiada axuda teñen problemas para contestar porque non analizaron o que necesitan para poder identificar os recursos que eles mesmos non posúen. Se o pai é selectivo á hora de prestar axuda, o neno aprenderá a ter máis recursos.
Os bos pais dan oportunidades aos seus fillos para que aprendan a pedir axuda e a controlar a súa capacidade para soportar a frustración, á vez que aguantan o seu propio desasosego cando ven os seus fillos intentando solucionar un problema que os supera.

"Como ser mellores pais" de Gloria Marsellach

jueves, 8 de enero de 2009

3ª INTENCIÓN. AS RAREZAS

A maioría dos nenos cre que ten algo raro. Adoitan chegar á conclusión de que son diferentes dos outros nenos cando empezan a escola. Unha vez que o neno se decata de que é raro, isto convértese nun problema para el. Algúns nenos nacen raros, e outros convértense en raros debido á súa educación. Acontécenlles cousas tan estrañas e impredicibles que se os seus pais tamén son un pouco raros, poderán soportar mellor a súa propia rareza.
Con raro refírome a un pai que é espontáneo. Un pai que de súpeto fai o contrario do que espera o seu fillo. Un pai raro é aquel que non teme parecer parvo aos ollos do seu fillo nin se poñer ao seu propio nivel e "actuar como un cativo". Ser raro é outra forma de reforzar os lazos entre pais e fillos. Os bos pais establecen vínculos moi fortes cos seus fillos, aínda que para iso teñan que renunciar ao control absoluto.
Os pais raros tenden a respectar o que os converte en raros. Pode tratarse dun talento, un interese ou unha actitude pola que senten paixón.
Demostran un compromiso coas súas ideas que vai máis alá do normal. A paixón que senten os pais polos seus intereses é a miúdo comunicada aos seus fillos, que aprenden que apaixonarse por algo non só é posible senón desexable. A unha idade en que é raro adquirir fortes compromisos, aprender esta lección pode axudar a alguén a ser un home de éxito, porque os grandes logros adoitan ser o resultado dunha entrega apaixonada.
Algunhas normas sobre como ser raros:

  • Hai que atopar tempo para expresar paixón por algún interese en particular.
  • O comportamento dos pais non debe guiar o futuro do neno tanto como a vida interior, as intencións, desexos e sentimentos dos pais.
  • Hai que dicir ou facer cousas de cando en vez que o neno non espera.
  • Hai que pasar moito tempo cos fillos a soas.
  • Hai que falar cos fillos de cousas que interesen ao pai, aínda que aqueles parezan non entender de que se está a falar.
  • Hai que defender as súas ideas con forza pero non esixa que os nenos teñan as mesmas opinións.
  • Non hai que ridiculizar algo que o seu fillo toma moi en serio.
  • Hai que ter algunha actividade creativa que o seu fillo lle vexa desempeñar.
  • Hai que deixar que os seus fillos vexan os seus sentimentos. Non teñen porqué ser necesariamente positivos. A rabia, a indignación e a confusión son emocións ás que o seu fillo debe aprender a enfrontarse.
  • Hai que entender que o proceso de crecemento é irregular, episódico e incoherente. Ningún dos seus fillos terá un proceso de desenvolvemento perfecto. Non se preocupe. Cando o pai se gusta a si mesmo, os nenos tamén rematarán gustándose antes ou despois.

"Como ser mellores pais" de Gloria Marsellach

miércoles, 7 de enero de 2009

2ª INTENCIÓN PARA O 2009: DICIR COUSAS AGRADABLES

As loanzas e as críticas son xuízos que unha persoa emite sobre outra. Saber comunicar os devanditos xuízos mellorará o labor dos pais e a súa relación cos seus fillos.
Eloxiar o neno cando el o espera só demostra que o pai está a facer o que debe facer un bo pai. Cando o neno mostra un traballo que fixo no colexio e que el cre que é marabilloso, busca os eloxios para reforzar os seus propios sentimentos. Está ben concederllos, pero é a súa propia opinión a que debe guialo, non o xuízo dos pais.
Cando o neno sabe que fixo algo mal e non pode evitar que os pais o descubran, a crítica e o castigo posterior xa formáronse na súa mente, aínda que aínda os pais non interviñeran. O neno saberá cando fixo algo mal se aprendeu a xulgar as súas propias actuacións.
Dicir cousas agradables aos nenos cando non o esperan terá un efecto duradeiro.
É importante que o neno saiba que os sentimentos do seu pai son positivos porque a súa opinión xeral da vida é importante para el, aínda que actúe coma se non o fose. Por exemplo, algunhas das cousas agradables que dicir:
  • Pódese dicir algo agradable sobre unha característica persoal favorable do neno para demostrarlle que un non sempre ten que facer algo para merecer eloxios.
  • Pódese dicir algo agradable sobre algo que fixera o neno, mostrándolle que unha boa actitude é unha fonte de sensacións gratas.
  • Pódese dicir algo agradable dun mesmo para mostrar que a autoestima positiva é boa. Estáselle a dicir con iso ao neno que é posible sentirse ben cun mesmo sen buscar continuamente a aprobación dos demais.
  • Pódese dicir algo agradable sobre outras persoas para mostrar que está ben ter bos pensamentos cara aos demais aínda que non estean presentes.
  • Pódese dicir algo agradable sobre unha árbore, unha posta de sol ou a cor dun edificio para mostrar que é bo obter satisfacción das experiencias cotiás.
  • Pódese dicir algo agradable sobre algo ou alguén que tamén posúa características que non nos gustan, para mostrar que a vida non é solo branco e negro, e que bo e malo a miúdo van unidos.

"Como ser mellores pais" de Gloria Marsellach

lunes, 5 de enero de 2009

LOITAS POLO PODER

No anterior artigo, a primeira intención que propoñiamos para o 2009 era "NON INVOLUCRARSE NAS LOITAS POLO PODER".

As loitas de poder prodúcense cando alguén cre que perdeu autoridade e quere recuperar a sensación de control. Traen como resultado sentimentos negativos e é bastante difícil chegar a unha solución satisfactoria, se non imposible. Os pais pretenden controlar os seus fillos e logo séntense culpables por perder a paciencia. Os nenos enfádanse, deprímense e fantasían sobre o xeito de retomar o control sobre os seus pais.

Os pais poden evitar as loitas de poder sendo sinceros sobre o que non lles gusta de si mesmos. Comprenderse a si mesmo a través da conciencia dun mesmo mellora o noso labor como pais.

Para resolver as loitas de poder tome nota dos seguintes consellos:
  1. Faga preguntas en lugar de ordes.

  2. Teña un lugar onde se esconder cando se desencadee unha loita de poder. (Non entre nas refiegas)

  3. Proporcione ao seu fillo máis dunha opción para elixir.

  4. A persoa a quen vostede ten que controlar é a si mesmo, non ao seu fillo.

  5. Soltar unha gargallada en metade dunha loita de poder consegue parala.

domingo, 4 de enero de 2009

INTENCIÓNS PARA O NOVO ANO

Aí déixovos unha serie de intencións para que os papás e as mamás intentedes levar a cabo este novo ano 2009:
  1. Non se involucre en loitas de poder das que é probable que ninguén saia vitorioso.
  2. Diga cousas agradables aos seus fillos de cando en vez, sobre todo se non o esperan.
  3. É importante ser raro. Non deixe que os fillos pensen que son máis raros que os seus pais.
  4. Non faga cousas polos seus fillos que eles sexan capaces de facer por si mesmos, a menos que estea seguro de que lle devolverán o favor.
  5. Hai que ter unha autoestima alta. Se o pai non a ten, os seus fillos tampouco.
  6. Aprenda a pedir desculpas cando non cumpra as súas propias cotas de esixencia ao tratar os seus fillos.
Se algunha das fotografías, debuxos... que aparecen neste blog están suxeitas a dereitos de autor, póñanse en contacto con nós e serán retirados.