Despedida

Un venres 18 de abril do 2.008 escribín o meu primeiro "post" neste blog.
Pasaron xa seis anos onde, como digo na cabeceira do blog, tratei de dar respostas á Comunidade Educativa e intentar unha participación e colaboración mutua e sentir que os colexios pertencen a todos e a todas.
Non sei se o conseguín pero esa sensación que teño nestes momentos de despedidas en que moitos pais e nais achegáronse a min, e outros chamáronme por teléfono, non ten prezo.
Nestes intres de reflexión chegan moitos recordos, moitos momentos duros, moitos momentos agradables, en definitiva.......momentos especiais que marcaron estes 8 anos que pasei no colexio.
Tamén sei que as veces non fun quen de dar unha axeitada  resposta a pais ou mestres polo que pido perdón aínda que de seguro, como saben ben quen me coñece, non descansei buscando esas respostas que non atopei.
As veces existiron problemas  xa que concibo como enfoque educativo a "inclusión" que como dícía Stainback (1999) "a inclusión é máis cun método, unha filosofía ou un programa de investigación. É unha forma de vivir. Ten que ver co "vivir xuntos", coa "acollida do estrano" e co "volver a ser todos un""
Quero dar as grazas aos meus PT: Marisa, a Luis (do Párroco) e a Vicente (do Mestres) que foi un pracer traballar con eles, a miñas queridas Pirus que  encheron o traballo de alegría, as AL (foron moitas),  as profes que acudiron a min. GRAZAS A TODOS E TODAS
Comenzo en setembro unha nova andaina no Colexio Celso Emilio Ferreiro onde  espero que sexa tan apaixonante como esta etapa que deixo.
A partires de setembro seguieri escribindo na seguinte  dirección:  http://celsoemiliorientacion.blogspot.com.es/