En 1.992 dez cadeas de televisión puxéronse de acordo, nunha experiencia sen precedentes en España, para emitir a película "Estrellas dos debuxos animados ao rescate", unha produción para mostrar aos máis novos os perigos da droga e que contou en España co auspicio da raíña Sofía e da Fundación de Axuda contra a Drogadicción.
A película presenta a Michael, un quinceañero guapo e atlético que viste texanos e camiseta e vive nun tranquilo pobo. A súa irmá Cory, de 9 anos, nota que algo raro lle pasa ultimamente, pero non se atreve a dicírllelo aos seus pais. Si llo comenta ao seu oso de peluche e a outros bonecos da casa: Alf, os Pitufos, Garfield e os Pequeñecos. Alf, que é moi espelido, enseguida se decata: "Algo me di que isto é moi perigoso""ese rapaz vai por mal camiño""é marihuana". Despois descóbrese que Michael tamén é adicto ao crack.
Bugs Bunny mete o rapaz nunha máquina do tempo para mostrarlle como se enganchou á droga, e sóltao: "É mellor ser covarde que un desperdicio humano. Todos temos problemas, ata os coellos; pero tes que crer en ti mesmo. A droga faiche sentir ben, pero é só temporal".
Unha tartaruga Ninja propón a Michael unha viaxe polo cerebro humano no medio dun horroroso temporal provocado polas drogas. Os sobriños do Pato Donald cántanlle unha canción. Todos tratan de convencelo de que "as drogas che fan subir só un anaco", e de que todo o que sobe ao final baixa.
A tentación das drogas é representada cun malvado fume de cor agrisada e forma de señor vestido con traje.Pero quen resulta máis efectivo é o Pato Lucas, que nunha bóla de cristal o mira o futuro ao rapaz. Michael aparece delgado e terriblemente consumido. E entón decide dar portazo' á droga.
A mensaxe final da historia, o que os seus produtores e patrocinadores queren que quede na mente de nenos de 5 a 11 anos, é: "Fala con mamá e papá; eles axudaranche".
No hay comentarios:
Publicar un comentario